ನೀವು ಆಧುನಿಕ ಶೈಲಿಯಲ್ಲಿ ಸೀರೆಯುಟ್ಟು ಪಾರ್ಟಿಯ ಆಕರ್ಷಣೆಯ ಕೇಂದ್ರ ಬಿಂದು ಆಗುವುದು ಹೇಗೆಂದು ತಿಳಿಯೋಣ :
ಫ್ರೀ ಬಿಟ್ಟ ಸೆರಗಿನ ಸೀರೆ : ಬರ್ತ್‌ಡೇ ಯಾ ಕಿಟೀ ಪಾರ್ಟಿಗಾಗಿ ಈ ಸ್ಟೈಲ್ ಬೊಂಬಾಟ್‌ ಆಗಿರುತ್ತದೆ. ಈ ಸ್ಟೈಲ್‌ನಲ್ಲಿ ಸೀದಾಸಾದಾ ವಿಧಾನದಲ್ಲಿ ಸೀರೆಯುಟ್ಟ ನಂತರ, ಉಲ್ಟಾ ಸೆರಗಿನ ಪ್ಲೀಟ್ಸ್ ಬದಲು, ಅದನ್ನು ಹೆಗಲಿನ ಮೇಲೆಯೇ ಪಿನ್‌ ಸಿಗಿಸಿ, ಫ್ರೀಯಾಗಿ ಬಿಟ್ಟುಬಿಡಿ.
ಉಲ್ಟಾ ಸೆರಗಿನ ಪಿನ್‌ ಅಪ್‌ ಸೀರೆ : ಈ ಸ್ಟೈಲ್‌ನಲ್ಲಿ ಪ್ಲೀಟ್ಸ್ ಹಿಡಿದ ನಂತರ, ಸೆರಗನ್ನು ಹೆಗಲಿನ ಬಳಿ ತಂದು ಅದರ ಪ್ಲೀಟ್ಸ್ ಹಿಡಿದು, ನಂತರ ಅಲ್ಲೇ ಪಿನ್‌ ಅಪ್‌ ಮಾಡಿ. ಇದು ಸರಳತೆಯ ಪ್ರತೀಕ.
ರಾಜರಾಣಿ ಸ್ಟೈಲ್ : ಈ ಸ್ಟೈಲ್ ಹೆವಿ ಸಿಲ್ಕ್ ಭಾರಿ ನೆಟೆಡ್‌ ಸೀರೆಗಳಿಗೆ ಬಲು ಬ್ಯೂಟಿಫುಲ್ ಆಗಿ ಒಪ್ಪುತ್ತದೆ. ಇದು ಗುಜರಾತಿ ಸ್ಟೈಲ್‌ನದೇ ಮತ್ತೊಂದು ರೂಪ. ಆದರೆ ಈ ಸ್ಟೈಲ್‌ನಲ್ಲಿ ಸೀರೆ ಉಡುವಾಗ, ಸೆರಗು ಬಲಗಡೆಯಿಂದ ತೆಗೆದುಕೊಳ್ಳ ಬೇಕಾಗುತ್ತದೆ.
ಸ್ಕಾರ್ಫ್‌ ಸ್ಟೈಲ್ ಸೀರೆ : ಮತ್ತೆ ಮತ್ತೆ ಕೆಳಗೆ ಸರಿಯುವ ಸೆರಗನ್ನು ಸಂಭಾಳಿಸುವ ಭರದಲ್ಲಿ ಕಿರಿಕಿರಿ ಎನಿಸುತ್ತದೆ. ಇದನ್ನು ತಪ್ಪಿಸಿ ಸ್ಟೈಲಿಶ್ ಲುಕ್‌ ನೀಡಲು, ಈ ರೀತಿಯ ಸ್ಟೈಲ್‌ನಲ್ಲಿ ಸೀರೆ ಉಡಬೇಕು. ಈ ಸ್ಟೈಲ್‌ನಲ್ಲಿ ಸೆರಗನ್ನು ಸ್ಕಾರ್ಫ್‌ ತರಹ ಕುತ್ತಿಗೆಯಿಂದ ಮುಂಭಾಗದ ಕಡೆ ಇಳಿಬಿಡಲಾಗುತ್ತದೆ. ಇದನ್ನು ವಿಶೇಷವಾಗಿ ಚಳಿಗಾಲದಲ್ಲಿ ಕೋಟ್‌ ಮೇಲುಗಡೆ ಬರುವಂತೆ ಟ್ರೈ ಮಾಡಿ, ಇದು ಪ್ರೊಫೆಶನಲ್ ಲುಕ್‌ ನೀಡುವುದರಿಂದ ಆಫೀಸ್‌ಗೂ ಒಪ್ಪುತ್ತದೆ.
