ದಾಂಪತ್ಯದ ರೋಮಾಂಚನಕ್ಕಾಗಿ ಸಂಗಾತಿಯೊಂದಿಗಿನ ಸಂಬಂಧದಲ್ಲಿ ಹೊಸತನ ತರಲಿಕ್ಕಾಗಿ, ತಾಜಾತನ ಕಾಪಾಡಿಕೊಳ್ಳಲು, ಕಾಮದಾಸೆಯನ್ನು ಹೊಸ ರೀತಿಯಲ್ಲಿ ತೋಡಿಕೊಳ್ಳ ಬೇಕಾದುದು ಏಕೆ ಅತ್ಯವಶ್ಯಕ......?
ಮೊದಲಿನಿಂದಲೂ ಮಾನವ ಸದಾ ಬದಲಾವಣೆಗಾಗಿ ತುಡಿಯುತ್ತಾ ಇರುತ್ತಾನೆ. ಜೀವನದಲ್ಲಿ ಸದಾ ಏಕತಾನತೆ ದಾಂಪತ್ಯದಲ್ಲಿ ಉದಾಸೀನತೆ ಹೆಚ್ಚಿಸುತ್ತದೆ. ಇದಕ್ಕಾಗಿ ಅವನು ಹೊಸ ಹೊಸ ಉಪಾಯ ಹುಡುಕುತ್ತಾನೆ. ದೈನಂದಿನ ಊಟ ತಿಂಡಿ, ಕೆಲಸ ಕಾರ್ಯಗಳ ಏಕತಾನತೆ ನೀರಸತನ ತರುವಂತೆ, ದಾಂಪತ್ಯದ ಸಮಾಗಮ ಬದಲಾವಣೆ ಬೇಡುತ್ತದೆ. ಪ್ರತಿಯೊಬ್ಬರೂ ಈ ಯಾಂತ್ರಿಕ ಕ್ರಿಯೆಯಿಂದ ಹೊರಬರಲು ಯತ್ನಿಸುತ್ತಾರೆ. ಇದಕ್ಕಾಗಿ ಪ್ರತಿಯೊಬ್ಬರೂ ತಮ್ಮದೇ ಆದ ಹೊಸ ಹೊಸ ಉಪಾಯಗಳನ್ನು ಹುಡುಕಿಕೊಳ್ಳುತ್ತಾರೆ.
ಇದೇ ಯಾಂತ್ರಿಕತೆ ಸೆಕ್ಸ್ ಕ್ರಿಯೆಯಲ್ಲೂ ಮುಂದುವರಿದಾಗ, ಜನ ಬಲು ಉದಾಸೀನರಾಗಿ, ಅದರಿಂದ ಹೊರಬರಲು ಯತ್ನಿಸುತ್ತಾರೆ. ಹೆಂಗಸರಂತೂ ಈ ರಗಳೆಯೇ ಬೇಡ ಎಂದು ದಾಂಪತ್ಯ ಸಮಾಗಕ್ಕೆ ಬೈ ಬೈ ಹೇಳಲಿಕ್ಕೂ ಸಿದ್ಧರಾಗುತ್ತಾರೆ. ಈ ಕಾರಣದಿಂದಲೇ ಸಂಗಾತಿಗಳ ಮಧ್ಯೆ ಅಸಹನೆ, ಕಿರಿಕಿರಿ ಹೆಚ್ಚುತ್ತದೆ. ಅವರಿಗೆ ದಾಂಪತ್ಯ ಒಲ್ಲದ ಔತಣವಾಗುತ್ತದೆ. ಈ ಅಂತರ ಹೆಚ್ಚಲು ಬೇರೆ ಏನೇ ಕಾರಣಗಳಿರಲಿ, ಇದಕ್ಕೆ ಮೂಲ ಕಾರಣ ಅದೇ ಯಾಂತ್ರಿಕತೆಯ ನೀರಸ ಭಾವ ಆಗಿರುತ್ತದೆ. ಈ ಅಂತರ ಹೆಚ್ಚುತ್ತಾ ಹೋದರೆ, ಅದು ಗಂಭೀರ ತಿರುವು ಪಡೆದು ವಿಚ್ಛೇದನಕ್ಕೂ ದಾರಿ ಆದೀತು. ಮುಂದಿನ ದಿನಗಳಲ್ಲಿ ವಿಚ್ಛೇದನದ ಸಂಖ್ಯೆ ಅವಿಶ್ವಸನೀಯ ದರದಲ್ಲಿ ಹೆಚ್ಚಲಿದೆ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಇದರ ಮುಖ್ಯ ಕಾರಣ ದಾಂಪತ್ಯದಲ್ಲಿನ ಯಾಂತ್ರಿಕತೆ, ನೀರಸತೆ, ಜಡತೆಯ ಭಾವ. ಬೆಡ್ ರೂಮಿನಲ್ಲಿ ಇಂಥ ನೀರಸತೆ ಹೆಚ್ಚಲು ಕಾರಣವೇನು, ಇದರ ನಿವಾರಣೆ ಹೇಗೆ ಎಂಬುದರ ಕುರಿತಾಗಿ ತಜ್ಞರ ಪರಾಮರ್ಶೆಯಿಂದ ಈ ಕುರಿತು ಹೆಚ್ಚಿನ ವಿವರ ತಿಳಿಯೋಣ.
ನೀರಸತೆ ನೀಗಿಸುವುದು ಹೇಗೆ?
ಅಮೆರಿಕಾದ ಪ್ರಸಿದ್ಧ ಲೇಖಕ ಲೂಯಿಸ್ ವರ್ಡ್ಸ್ ವರ್ತ್ ನ ಪ್ರಸಿದ್ಧ `ಎ ಟೆಸ್ಟ್ ಬುಕ್ ಆನ್ ಸೆಕ್ಸಾಲಜಿ'ಯಲ್ಲಿ ತಿಳಿಸಿರುವುದು ಎಂದರೆ, `ಬೆಡ್ ರೂಮಿನ ಯಾಂತ್ರಿಕತೆ, ನೀರಸತೆಗಳಿಂದಾಗಿ ಪಾರಾಗಲು ಸಂಗಾತಿಗಳು ನಿತ್ಯ ಹೊಸ ಹೊಸ ರೂಪಗಳಲ್ಲಿ ದಾಂಪತ್ಯ ಸುಖದ ಕುರಿತು ಚಿಂತಿಸಬೇಕು, ಚಟುವಟಿಕೆಯಿಂದ ಅದರಲ್ಲಿ ಪಾಲ್ಗೊಳ್ಳಬೇಕು. ಹೊಸ ಹೊಸ ಪೋಸ್ ಗಳ ಕುರಿತು ಆಕರ್ಷಿತರಾಗಬೇಕು, ಭಾವಭಂಗಿಗಳು ಬದಲಾಗುತ್ತಿರಬೇಕು. ಸದಾ ಮನೆಯಲ್ಲೇ ಬಂಧಿಗಳಾಗಿರುವ ಬದಲು, ಗಿರಿಧಾಮಗಳಿಗೆ ಹೋಗಿ ಹನಿಮೂನ್ ನೆಪದಲ್ಲಿ ಹೆಚ್ಚಿನ ಏಕಾಂತ ಹೊಂದುವುದು ಒಳ್ಳೆಯ ವಿಷಯ.
``ಹಲವು ವರ್ಷಗಳಾದ ಮೇಲೆ ಇಂಥ ಸ್ಥಳ ಬದಲಾವಣೆ ಸಹ ಏಕತಾನತೆಯ ಮತ್ತೊಂದು ರೂಪ ಎಂದಾಗಿ ಹೋಗುತ್ತದೆ. ಆಗ ಸಂಗಾತಿಗಳು ಅದರಲ್ಲಿಯೂ ಹೊಸ ಹೊಸ ವಿಕಲ್ಪಗಳನ್ನು ಹುಡುಕಬೇಕು. ಇದರಿಂದ ಮನಸ್ಸಿಗೆ ಎಷ್ಟೋ ನೆಮ್ಮದಿ ಸಿಗುತ್ತದೆ. ಇಂಥ ಹೊಸ ಹೊಸ ಐಡಿಯಾಗಳಲ್ಲಿ ಆಧುನಿಕವಾಗಿ ಹೊರಹೊಮ್ಮಿರುವುದೇ `ಸೆಕ್ಸ್ ಫ್ಯಾಂಟಸಿ.' ಇದಂತೂ ಪಾಶ್ಚಿಮಾತ್ಯ ಯುವ ಜೋಡಿಗಳಲ್ಲಿ ದಿನೇ ದಿನೇ ಹೆಚ್ಚು ಜನಪ್ರಿಯವಾಗುತ್ತಿದೆ. ಇದನ್ನು ಸಕಾರಾತ್ಮಕವಾಗಿ ತೆಗೆದುಕೊಳ್ಳುವವರ ಸಂಖ್ಯೆ ಇರುವರಷ್ಟೇ ನಕಾರಾತ್ಮಕವಾಗಿ ನೋಡುವವರೂ ಇದ್ದಾರೆ.'
