ತ್ವಚೆಯ ಬ್ಯೂಟಿಗಾಗಿ ಕಾಸ್ಮೆಟಿಕ್‌ ಪ್ರಾಡಕ್ಟ್ಸ್ ಜೊತೆಯಲ್ಲೇ ಹಲವಾರು ವಸ್ತುಗಳನ್ನು ಬಳಸಿ ಅದನ್ನು ಸದಾಕಾಲ ಇರುವಂತೆ ಮಾಡಬಹುದು. ಈ ವಸ್ತುಗಳು ಕೇವಲ ಆರೋಗ್ಯಕರ ಮಾತ್ರವಲ್ಲದೆ, ಹಲವಾರು ಬಗೆಯ ಸೈಡ್‌ ಎಫೆಕ್ಟ್ ಗಳಿಂದಲೂ ಕಾಪಾಡುತ್ತವೆ. ಉದಾ: ಬಾದಾಮಿ, ಕೇಸರಿ, ಹಾಲು, ಜೇನುತುಪ್ಪ, ಗುಲಾಬಿ, ಬೇವು ಇತ್ಯಾದಿ. ಇಂಥವುಗಳಲ್ಲಿ ಅಡಗಿರುವ ನೈಸರ್ಗಿಕ ಘಟಕಗಳಿಂದ ಅವು ತ್ವಚೆಯನ್ನು ಗ್ಲೋ ಆಗಿಸುವುದಲ್ಲದೆ, ಸುಕ್ಕುಗಳು ಕಾಡದಂತೆ ರಕ್ಷಿಸುತ್ತವೆ. ಇವುಗಳ ನಿಯಮಿತ ಬಳಕೆಯಿಂದ ನೀವು ಎಲ್ಲಾ ವಯಸ್ಸಿನಲ್ಲಿಯೂ ಯಂಗ್‌ ಆಗಿಯೇ ಕಾಣುವಿರಿ. ಬನ್ನಿ ಇವುಗಳ ಲಾಭದ ಬಗ್ಗೆ ತಿಳಿಯೋಣ :
ಗುಲಾಬಿ
ಇದರಲ್ಲಿ ವಿಟಮಿನ್ಸ್, ಮಿನರಲ್ಸ್ ಮತ್ತು ಆ್ಯಂಟಿ ಆಕ್ಸಿಡೆಂಟ್‌ ಗುಣಗಳು ಹೇರಳವಾಗಿದ್ದು, ಇದು ಮಾಯಿಶ್ಚರೈಸರ್‌ನ ಕೆಲಸ ಮಾಡುವುದಲ್ಲದೆ, ಇದರಲ್ಲಿ ಆ್ಯಂಟಿ ಸೆಫ್ಟಿಕ್‌, ಆ್ಯಂಥ್ರಿಜೆಂಟ್‌, ಆ್ಯಂಟಿ ಇನ್‌ಫ್ಲಮೇಟರಿ ಗುಣಗಳೂ ಇರುವುದರಿಂದ, ಇದು ಆ್ಯಕ್ನೆ ಮತ್ತು ರೆಡ್‌ನೆಸ್‌ ಹಿಂಸೆಗಳಿಂದಲೂ ಮುಕ್ತಿ ಕೊಡಿಸುತ್ತದೆ.
ಸ್ಕಿನ್ ಆಗುತ್ತದೆ ಕ್ಲಿಯರ್‌: ಆ್ಯಂಟಿ ಆಕ್ಸಿಡೆಂಟ್‌ ಗುಣದಿಂದಾಗಿ ಗುಲಾಬಿ ಚರ್ಮವನ್ನು ಕೀಟಾಣುಗಳಿಂದ ಮುಕ್ತಗೊಳಿಸಿ, ಮುಖವನ್ನು ಸದಾ ಕ್ಲಿಯರ್‌ ಆಗಿಡುತ್ತದೆ. 1 ದೊಡ್ಡ ಚಮಚದಷ್ಟು ಗುಲಾಬಿ ದಳಗಳಿಗೆ ತುಸು ನೀರು ಚಿಮುಕಿಸಿ ಮುಖದ ಮೇಲೆ ಪೂರ್ತಿ ಹರಡಿ, ಸ್ವಲ್ಪ ಹೊತ್ತು ಹಾಗೇ ಇರಿ. ನಂತರ ತಣ್ಣೀರಲ್ಲಿ ಮುಖ ತೊಳೆದರೆ, ಅದು ಹೊಳೆಯುತ್ತದೆ.
ಮಾಯಿಶ್ಚರೈಸಿಂಗ್‌ ಗುಣ : ಗುಲಾಬಿಯ ದಳಗಳಲ್ಲಿ ಅಡಗಿರುವ ನ್ಯಾಚುರಲ್ ಆಯಿಲ್, ನಮ್ಮ ಜೀವಕೋಶಗಳನ್ನು ತಲುಪಿ ಅದಕ್ಕೆ ಆರ್ದ್ರತೆ ಒದಗಿಸುತ್ತದೆ. ಅದರಿಂದ ಚರ್ಮದಲ್ಲಿ ಸಹಜ ಹೊಳಪು ಹೆಚ್ಚುತ್ತದೆ.
ಆಯಿಲ್ ಕಂಟ್ರೋಲರ್‌ : ಹೆಚ್ಚಿನ ಟೋನರ್‌ಗಳಲ್ಲಿ ಆಲ್ಕೋಹಾಲ್ ಇರುವುದರಿಂದ, ಅವು ಚರ್ಮವನ್ನು ಡ್ರೈ ಮಾಡುತ್ತವೆ. ಆದರೆ ಗುಲಾಬಿ ಚರ್ಮವನ್ನು ಆದಷ್ಟೂ ಸಾಫ್ಟ್ ಮಾಡುತ್ತದೆ. ಇದರ ಪೇಸ್ಟ್ ಸಿದ್ಧಪಡಿಸಿ ಮುಖಕ್ಕೆ ಸವರಿ ಒಣಗಲು ಬಿಡಿ. ಆಗ ಇದು ರೋಮರಂಧ್ರಗಳನ್ನು ಕಡಿಮೆ ಮಾಡುವುದಲ್ಲದೆ, ಚರ್ಮಕ್ಕೆ ಹೆಚ್ಚಿನ ತಾಜಾತನ ಗಳಿಸಿಕೊಡುತ್ತದೆ.
ಉರಿಗೆ ಉಪಶಮನ : ಆ್ಯಂಟಿ ಇನ್‌ಫ್ಲಮೆಟರಿ ಗುಣ ಇರುವುದರಿಂದ, ಇದು ಆ್ಯಕ್ನೆಗಳೊಂದಿಗೆ ಹೋರಾಡಿ ಚರ್ಮಕ್ಕೆ ಸದಾ ಕೂಲ್ ಕೂಲ್ ಫೀಲ್ ನೀಡುತ್ತದೆ.
ನ್ಯಾಚುರಲ್ ಸನ್‌ಸ್ಕ್ರೀನ್‌ : ಗುಲಾಬಿಯಲ್ಲಿ ಧಾರಾಳ ವಿಟಮಿನ್‌`ಸಿ’ ಹಾಗೂ ಆ್ಯಂಟಿ ಆಕ್ಸಿಡೆಂಟ್‌ ಗುಣಗಳಿರುವುದರಿಂದ, ಇದು ಸೂರ್ಯನ UV ಕಿರಣಗಳಿಂದ ಚರ್ಮಕ್ಕೆ ರಕ್ಷಣೆ ಕೊಡುತ್ತದೆ. ಸನ್‌ ಬರ್ನ್‌ ಆಗಿರುವ ಚರ್ಮಕ್ಕೂ ಸಹ ಆರಾಮ ಒದಗಿಸುತ್ತದೆ. ಗುಲಾಬಿ ದಳಗಳನ್ನು ನೀರಿನಲ್ಲಿ ಕುದಿಸಿ ಚೆನ್ನಾಗಿ ಆರಲು ಬಿಡಿ. ಈ ನೀರಿನಿಂದ ಪ್ರತಿದಿನ ಮುಖ ತೊಳೆದರೆ, ಮುಖಕ್ಕೆ ಹೆಚ್ಚಿನ ಗ್ಲೋ ಸಿಗುತ್ತದೆ.
ಕೂದಲಿಗೆ ನೀಡಿ ಮಾಯಿಶ್ಚರ್‌ : ಇದು ಕೂದಲಿಗೆ ಮಾಯಿಶ್ಚರ್‌ ಒದಗಿಸಿ ಅದಕ್ಕೆ ಹೊಳಪು ನೀಡುತ್ತದೆ. ಇದಕ್ಕಾಗಿ ನೀವು ಡೇಲಿ ರೋಸ್‌ ವಾಟರ್‌ನಿಂದ ಕೂದಲಿಗೆ ಮಸಾಜ್ ಮಾಡಬೇಕು.
ಕೇಸರಿ
ಇದರಲ್ಲಿ ಪೊಟ್ಯಾಶಿಯಂ ಇರುವ ಕಾರಣ ಇದು ಜೀವಕೋಶಗಳನ್ನು ನಿರ್ಮಿಸಿ, ಅದರ ನಿರ್ವಹಣೆಯಲ್ಲೂ ಪ್ರಧಾನ ಪಾತ್ರ ವಹಿಸುತ್ತದೆ. ಇದರಲ್ಲಿ ವಿಟಮಿನ್ಸ್ ಹಾಗೂ ಆ್ಯಂಟಿ ಆಕ್ಸಿಡೆಂಟ್ಸ್ ಇದ್ದು, ಅದು ಚರ್ಮಕ್ಕೆ ಬಲು ಲಾಭಕಾರಿ. ಇದರಲ್ಲಿ ಆ್ಯಂಟಿ ಫಂಗಲ್ ಗುಣಗಳೂ ಇರುದರಿಂದ, ಇದು ಆ್ಯಕ್ನೆ ಬಾರದಂತೆ ತಡೆಯುತ್ತದೆ.
ನ್ಯಾಚುರಲ್ ಗ್ಲೋ ಸದಾ ಉಳಿಯುತ್ತದೆ : ನೀವು ಚರ್ಮದಲ್ಲಿ ನೈಸರ್ಗಿಕ ಹೊಳಪನ್ನು ಉಳಿಸಿಕೊಳ್ಳಲು ಬಯಸಿದರೆ, ಕೇಸರಿಯ ಕೆಲವು ಎಸಳುಗಳನ್ನು ಗಂಟೆ ಕಾಲ ಹಾಲಲ್ಲಿ ನೆನೆಸಿ. ಆಮೇಲೆ ಇದನ್ನು ಮುಖ, ಕುತ್ತಿಗೆ ಭಾಗಕ್ಕೆ ಸವರಬೇಕು, ಆಮೇಲೆ ಮುಖ ತೊಳೆಯಿರಿ. ಕೆಲವು ದಿನ ಇದೇ ಪ್ರಕ್ರಿಯೆ ರಿಪೀಟ್‌ ಮಾಡುವುದರಿಂದ, ನಿಮ್ಮ ಬಣ್ಣ ತೇಲುತ್ತದೆ, ಹೆಚ್ಚಿನ ಗ್ಲೋ ಸಿಗುತ್ತದೆ.
ಆ್ಯಕ್ನೆ, ಬ್ಲ್ಯಾಕ್‌ಹೆಡ್ಸ್ ದೂರಾಗಲು : ಕೇಸರಿಯ ಆ್ಯಂಟಿ ಫಂಗಲ್ ಗುಣ, ಆ್ಯಕ್ನೆ ಬ್ಲ್ಯಾಕ್‌ಹೆಡ್ಸ್ ನ್ನು ದೂರ ಮಾಡಲು ಸಹಾಯಕ. ನೀವು 5-6 ತುಳಸಿ ಎಲೆಗಳನ್ನು 10-12 ಎಸಳು ಕೇಸರಿ ಜೊತೆ (ಹಾಲಲ್ಲಿ ನೆನಿಸಿದ್ದು) ಪೇಸ್ಟ್ ಮಾಡಿ, ಅದನ್ನು ಮುಖಕ್ಕೆ ಹಚ್ಚಿಕೊಳ್ಳಿ. 10-15 ನಿಮಿಷ ಬಿಟ್ಟು ತಣ್ಣೀರಿನಿಂದ ಮುಖ ತೊಳೆಯಿರಿ.
ಡ್ರೈನೆಸ್ ದೂರ ಮಾಡಿ : ನಿಮ್ಮ ಚರ್ಮ ತುಂಬಾ ಡ್ರೈ ಡ್ರೈ ಅನಿಸಿದರೆ, ನಿಂಬೆರಸದಲ್ಲಿ ಕೇಸರಿ ನೆನೆಸಿ ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿರಿ. ನಿಂಬೆ ಮುಖದ ಚರ್ಮ ಕ್ಲಿಯರ್‌ ಮಾಡಿದರೆ, ಕೇಸರಿ ಇಲ್ಲಿ ಆರ್ದ್ರತೆ ಒದಗಿಸುತ್ತದೆ. ಹೀಗಾಗಿ ಚರ್ಮದ ಡ್ರೈನೆಸ್
ದೂರವಾಗುತ್ತದೆ.
ಜೇನುತುಪ್ಪ
ಜೇನುತುಪ್ಪದಲ್ಲಿ ಪೋಷಕ ತತ್ವ, ಆ್ಯಂಟಿ ಆಕ್ಸಿಡೆಂಟ್‌ ಹಾಗೂ ಹೀಲಿಂಗ್‌ ಗುಣಗಳು ಇವೆ. ಹಾಗಾಗಿ ಇದು ಚರ್ಮಕ್ಕೆ ಆರ್ದ್ರತೆ ತುಂಬುತ್ತದೆ. ಜೊತೆಗೆ ಸುಕ್ಕು, ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡಲಿಕ್ಕೂ ಸಹಾಯಕ.
ಮಾಯಿಶ್ಚರೈಸರ್‌ : ಇದು ಜೀವಕೋಶಗಳನ್ನು ತಲುಪಿ ಅವನ್ನು ಚೆನ್ನಾಗಿ ಮಾಯಿಶ್ಚರೈಸ್‌ ಮಾಡುತ್ತದೆ. ಇದರಿಂದ ಚರ್ಮ ಸಾಫ್ಟ್ ಆಗುತ್ತದೆ. ಜೇನನ್ನು ಮುಖಕ್ಕೆ ಸವರಿ 15-20 ನಿಮಿಷ ಬಿಟ್ಟು ನಂತರ ತಣ್ಣೀರಿನಿಂದ ಮುಖ ತೊಳೆಯರಿ.
ಕ್ಲೆನ್ಸರ್‌ನ ಕೆಲಸ : ಜೇನಿನಲ್ಲಿ ಎನ್‌ಝೈಮ್ಸ್ ಇರುವುದರಿಂದ, ಇದು ರೋಮ ರಂಧ್ರಗಳನ್ನು ಕ್ಲಿಯರ್‌ ಮಾಡಿ, ಕ್ಲೀನ್ ಮಾಡುತ್ತದೆ. ಇದರಿಂದ ಮುಖ ಆಕರ್ಷಕ ಕಳೆ ಪಡೆಯುತ್ತದೆ.
ಬೆಸ್ಟ್ ಕಂಡೀಶನರ್‌ : ಇದು ಡಲ್ ಸ್ಕಿನ್ನಿನಲ್ಲಿ ಗ್ಲೋ ಸಾಫ್ಟ್ ನೆಸ್‌ ತರುತ್ತದೆ. 2 ಹನಿ ಕೊಬ್ಬರಿ ಎಣ್ಣೆಗೆ 1 ಚಮಚ ಜೇನು ಬೆರೆಸಿ ಮುಖಕ್ಕೆ ಹಚ್ಚಿ. 20 ನಿಮಿಷ ಹಾಗೇ ಬಿಡಿ. ನಂತರ ಮುಖ ತೊಳೆಯಿರಿ. ಮುಖ ಕಾಂತಿಯಿಂದ ನಳನಳಿಸುತ್ತದೆ.
ಹಸಿ ಹಾಲಿನಲ್ಲಿ ವಿಟಮಿನ್‌ ಬಿ, ಅಲ್ಫಾ ಹೈಡ್ರಾಕ್ಸಿ ಆ್ಯಸಿಡ್‌, ಕ್ಯಾಲ್ಶಿಯಂ ಇರುವ ಕಾರಣ ಇದು ಚರ್ಮಕ್ಕೆ ಹೆಚ್ಚು ಆರೋಗ್ಯಕರ ಲಾಭ ಕೊಡುತ್ತದೆ.
ನ್ಯಾಚುರಲ್ ಫೇಸ್‌ ಕ್ಲೀನರ್‌ : ನಾವು ಪ್ರತಿದಿನ ಪರಿಸರ ಮಾಲಿನ್ಯದ ಹೊಡೆತಕ್ಕೆ ಸಿಲುಕುತ್ತೇವೆ. ಹೀಗಿರುವಾಗ ಮುಖಕ್ಕೆ ಕೊಳೆ ಮೆತ್ತಿಕೊಳ್ಳದೆ ಇರುತ್ತದೆಯೇ? ಅದನ್ನು ದೂರಗೊಳಿಸಲು ನೀವು ಡೇಲಿ ಹಸಿ ಹಾಲಿನಿಂದ ಮುಖವನ್ನು ತೊಳೆಯಿರಿ. ಮುಖ ಕ್ಲೀನ್
ಆಗುವುದರ ಜೊತೆಯಲ್ಲೇ ಆ್ಯಕ್ನೆ ತೊಂದರೆಯೂ ದೂರಾಗುತ್ತದೆ.
ಬಾದಾಮಿ
ಫೈಬರ್‌, ಪ್ರೋಟೀನ್‌, ಮೆಗ್ನೀಶಿಯಂ, ವಿಟಮಿನ್‌ ತುಂಬಿರುವುದರಿಂದ ಬಾದಾಮಿ ಆರೋಗ್ಯ, ಸ್ಕಿನ್ ಮತ್ತು ಕೂದಲಿಗೆ ಹಚ್ಚುವುದು ಲಾಭಕಾರಿ ಎಂದು ಸಾಬೀತಾಗಿದೆ.
ಸ್ಕಿನ್ ಆಗುತ್ತದೆ ಹೆಲ್ದಿ : ನೀವು ಕ್ಲಿಯರ್‌ ಕಾಂಪ್ಲೆಕ್ಷನ್‌ ಗ್ಲೋಯಿಂಗ್‌ ಸ್ಕಿನ್ ಬಯಸಿದರೆ, ಖಂಡಿತ ಬಾದಾಮಿ ಎಣ್ಣೆ ಹಚ್ಚಿ ಮಸಾಜ್
ಮಾಡಬೇಕು. ಇದು ಚರ್ಮಕ್ಕೆ ಆರ್ದ್ರತೆ ಒದಗಿಸುವುದರ ಜೊತೆ ಅದನ್ನು ಸಾಫ್ಟ್ ಸಹ ಮಾಡುತ್ತದೆ.
ಡಾರ್ಕ್‌ ಸರ್ಕಲ್ಸ್ ನಿಂದ ಮುಕ್ತಿ : ಕಂಗಳು ಎಷ್ಟೇ ಸುಂದರವಾಗಿರಲಿ, ಆದರೆ ಅದರ ಕೆಳಗೆ ಡಾರ್ಕ್‌ ಸರ್ಕಲ್ಸ್ ಮೂಡಿದರೆ, ಅದರ ಸೌಂದರ್ಯ ಖಂಡಿತಾ ಕೆಡುತ್ತದೆ. ಹೀಗಾಗಿ ಬಾದಾಮಿ ಎಣ್ಣೆಯ ವಿಟಮಿನ್‌ ಕಾರಣ, ಡಾರ್ಕ್‌ ಸರ್ಕಲ್ಸ್ ತಾವಾಗಿ ತಗ್ಗುತ್ತವೆ.
ಸ್ಪ್ಲಿಟ್‌ ಎಂಡ್ಸ್ ರಿಮೂವ್ ಮಾಡಿ : ನೀವು ಬಾದಾಮಿ ಎಣ್ಣೆಯಿಂದ ಕೂದಲು ಮಸಾಜ್ ಮಾಡಿದರೆ, ಅದರ ಡಲ್ ನೆಸ್‌ ದೂರ ಆಗುವುದರ ಜೊತೆ ಸೀಳು ತುದಿಯ ಕೂದಲಿನ ಸಮಸ್ಯೆಯೂ ದೂರಾಗುತ್ತದೆ.
ಬೇವು
ಬೇವಿನ ಲಾಭಕಾರಿ ಗುಣಗಳನ್ನು ಎಣಿಸಿದಷ್ಟೂ ಕಡಿಮೆಯೇ! ಇದರ ಎಲೆಗಳನ್ನು ಪೇಸ್ಟ್ ಮಾಡಿ ಫೇಸ್‌ ಪ್ಯಾಕ್‌ ಆಗಿ ಬಳಸಿಕೊಂಡು ಆ್ಯಕ್ನೆ ತೊಂದರೆ ನಿವಾರಿಸಿಕೊಳ್ಳಬಹುದು. ಇದು ಸ್ಕಿನ್ ಡ್ರೈ ಆಗದಂತೆಯೂ ತಡೆಯುತ್ತದೆ.
ಬ್ಲ್ಯಾಕ್‌ ಹೆಡ್ಸ್ ನಿವಾರಿಸಿ : ಬೇವಿನ ಎಣ್ಣೆಯ 2-3 ಹನಿಗೆ ತುಸುವೇ ನೀರು ಬೆರೆಸಿ ಮುಖಕ್ಕೆ ಸವರುವುದರಿಂದ ಬ್ಲ್ಯಾಕ್‌ ಹೆಡ್ಸ್ ಹೇಳ ಹೆಸರಿಲ್ಲದಂತೆ ಮಂಗಮಾಯ!
ಸ್ಕಿನ್ ಅಲರ್ಜಿ ದೂರಗೊಳಿಸುತ್ತದೆ : ಬೇವು ನಮ್ಮನ್ನು ಸ್ಕಿನ್ ಅಲರ್ಜಿಯಿಂದಲೂ ದೂರ ಮಾಡುತ್ತದೆ. ಸ್ನಾನದ ಬಿಸಿ ನೀರಿನ ಬಕೆಟ್‌ಗೆ ಕೆಲವು ಹನಿ ಬೇವಿನ ಎಣ್ಣೆ ಬೆರೆಸಿ ಸ್ನಾನ ಮಾಡುವುದರಿಂದ ಸ್ಕಿನ್ ಅಲರ್ಜಿ ದೂರಾಗುತ್ತದೆ.
ಗ್ಲೋಗಾಗಿ ಉತ್ತಮ ಟೂಲ್ : ನೀವು ಪ್ರತಿದಿನ ಬೇವಿನ ಎಲೆಗೆ ಅರಿಶಿನ ಹಾಕಿ ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚುವುದರಿಂದ, ಮುಖದ ಸ್ಕಿನ್ ಕ್ಲಿಯರ್‌ ಆಗುವುದರ ಜೊತೆ ಹೆಚ್ಚಿನ ಗ್ಲೋ ಸಹ ಪಡೆಯುತ್ತದೆ.
– ಪಾರ್ವತಿ
ಫ್ಲವರ್‌ ಎಕ್ಸ್ ಟ್ರಾಕ್ಟ್ ನ ಲಾಭಗಳು
ನಮ್ಮ ಮನದ ವಿವಿಧ ಭಾವನೆಗಳನ್ನು ಅಭಿವ್ಯಕ್ತಗೊಳಿಸಲು ಉತ್ತಮ ವಿಕಲ್ಪವೆಂದರೆ ಹೂ! ಆದರೆ ಇದು ಹೇಗೆ ಚರ್ಮಕ್ಕೆ ಸೌಂದರ್ಯದ ಗಣಿಯೂ ಹೌದು ಎಂಬುದನ್ನು ತಿಳಿಯೋಣವೇ?
ಹೂಗಳ ವರ್ಣ ವೈವಿಧ್ಯ ಮತ್ತು ಸುಗಂಧದ ಕಾರಣ ನಮ್ಮ ಪಾಸಿಟಿವ್‌ ಫೀಲ್ ಹೆಚ್ಚುತ್ತದೆ. ಜೊತೆಗೆ ಇದರ ನೈಸರ್ಗಿಕ ಗುಣಗಳು ನಮ್ಮ ಚರ್ಮಕ್ಕೆ ಸಹಜ ಸೌಂದರ್ಯವನ್ನೂ ಒದಗಿಸಬಲ್ಲದು. ಬನ್ನಿ, ಅಂಥ ಕೆಲವು ಹೂಗಳ ಬಗ್ಗೆ ತಿಳಿಯೋಣ.
ಗುಲಾಬಿ : ಶುಷ್ಕ ಮತ್ತು ಸಂವೇದನಾಶೀಲ ತ್ವಚೆಗಾಗಿ ರೋಸ್‌ ಎಕ್ಸ್ ಟ್ರಾಕ್ಟ್ ಯಾ ಆಯಿಲ್ ಯಾವ ವರದಾನಕ್ಕೂ ಕಡಿಮೆಯಲ್ಲ. ಇದು ಚರ್ಮವನ್ನು ತಣ್ಣಗಿಡುತ್ತದೆ, ರೆಡ್‌ ನೆಸ್‌ ದೂರಗೊಳಿಸುತ್ತದೆ ಹಾಗೂ ಹೆಚ್ಚಿದ ವಯಸ್ಸನ್ನು ತಗ್ಗಿಸಿಯೂ ತೋರಿಸಬಲ್ಲದು.
ಕೇಸರಿ : ಹಾಗೆ ನೋಡಿದರೆ ಕೇಸರಿ `ಕಿಂಗ್‌ ಆಫ್‌ ಸ್ಪೈಸಸ್‌’ ಎನಿಸಿದೆ. ಆದರೆ ಚರ್ಮಕ್ಕೂ ಇದರಿಂದ ಹೆಚ್ಚಿನ ಲಾಭವಿದೆ. ಇದರಲ್ಲಿ ಆ್ಯಂಟಿ ಫಂಗಲ್ ಗುಣಗಳಿವೆ. ಆದ್ದರಿಂದ ಇದರ ಎಕ್ಸ್ ಟ್ರಾಕ್ಟ್ ನಲ್ಲಿ ಜೇನು ಬೆರೆಸಿ ಮುಖದ ಮಸಾಜ್ ಮಾಡುವುದರಿಂದ ಗ್ಲೋ ಹೆಚ್ಚುತ್ತದೆ ಹಾಗೂ ಮುಖ ಮೊಡವೆ ಆ್ಯಕ್ನೆಗಳಿಂದಲೂ ದೂರವಾಗುತ್ತದೆ.
ಮಲ್ಲಿಗೆ : ಗಾಢ ಹಾಗೂ ಮಧುರ ಪರಿಮಳ ಬೀರಬಲ್ಲ ಈ ಸುಗಂಧಯುಕ್ತ ಹೂ, ಪ್ರೇಮದ ಪ್ರತೀಕ ಎನಿಸಿದೆ. ಆದರೆ ಹೆಲ್ದಿ ಸ್ಕಿನ್ ಗಾಗಿಯೂ ಸಹ ಇದರಿಂದ ಅನೇಕ ಲಾಭಗಳಿವೆ. ಇದರ ಆಯಿಲ್ ಎಕ್ಸ್ ಟ್ರಾಕ್ಟ್ ನಿಂದ ಇಂದು ಅನೇಕ ಹೆಲ್ತ್ ಬ್ಯೂಟಿ ಪ್ರಾಡಕ್ಟ್ಸ್ ತಯಾರಾಗುತ್ತವೆ.
