ಸುಗಂಧ ಅಥವಾ ಸುವಾಸನೆ ಎಂತಹ ಒಂದು ಅನುಭೂತಿಯೆಂದರೆ, ಅದು ಎಂಥರವನ್ನೂ ಆಕರ್ಷಿಸುತ್ತದೆ. ಸುವಾಸನೆ ಬೀರುವ ಮನೆ ಯಾವುದೇ ಒಬ್ಬ ಮಹಿಳೆಯ ಸುವ್ಯವಸ್ಥೆಯನ್ನು ಪ್ರದರ್ಶಿಸುತ್ತದಲ್ಲದೆ, ಇದರಿಂದ ಆಕೆಯ ಆಸಕ್ತಿ ಮತ್ತು ಸ್ಟೈಲ್ ಕೂಡ ತಿಳಿದುಬರುತ್ತದೆ.
ಯಾವುದೇ ಒಂದು ಮನೆ ಯಾವಾಗ ಸಂಪೂರ್ಣ ಎನಿಸುತ್ತದೆ ಎಂದರೆ, ಎಲ್ಲ ಇಂಟೀರಿಯರ್ ಜೊತೆ ಜೊತೆಗೆ ಅದು ಚೆನ್ನಾಗಿ ಘಮಘಮಿಸುವಂತಿರಬೇಕು. ಯಾರಾದರೂ ಮನೆಗೆ ಬಂದರೆ, ಅವರನ್ನು ಈರುಳ್ಳಿ-ಬೆಳ್ಳುಳ್ಳಿಯ ವಾಸನೆಯಿಂದ ಸ್ವಾಗತಿಸಲು ಆಗುತ್ತದೆಯೇ? ಅಂದಹಾಗೆ, ಪ್ರತಿಯೊಂದು ಮನೆಗೆ ಒಂದೊಂದು ರೀತಿಯ ವಾಸನೆ ಇರುತ್ತದೆ. ಅದು ಸುವಾಸನೆಯಿಂದ ಕೂಡಿದ್ದರೆ, ಮನೆಗೆ ಬರುವವರನ್ನು ಸಮ್ಮೋಹಿತಗೊಳಿಸುತ್ತದೆ. ಇದರಿಂದ ಬರುವ ವ್ಯಕ್ತಿ ಒತ್ತಡರಹಿತ ಹಾಗೂ ಫ್ರೆಶ್‌ ಆಗುತ್ತಾರೆ. ಆದರೆ ಅದೇ ಒದ್ದೆ ಬಟ್ಟೆ, ಬೆಳ್ಳುಳ್ಳಿ-ಈರುಳ್ಳಿಯ ವಾಸನೆ ಬರುತ್ತಿದ್ದಲ್ಲಿ ಮನೆಗೆ ಬಂದ ಅತಿಥಿ ಹೆಚ್ಚು ಹೊತ್ತು ಇರುವುದಿಲ್ಲ. ಬಹುಬೇಗ ಅಲ್ಲಿಂದ ಕಾಲು ಕೀಳಲು ನೋಡುತ್ತಾರೆ. ಮನೆಯಿಂದ ಸುವಾಸನೆ ಸೂಸುವ ಪದ್ಧತಿ ಬಹಳ ಹಿಂದಿನಿಂದಲೇ ಆರಂಭವಾಗಿದೆ. ಈ ಪದ್ಧತಿಯನ್ನು ಆರಂಭಿಸುವುದರ ಹಿಂದಿನ ಉದ್ದೇಶ ಮನೆಯಿಂದ ಹೊರಬರುವ ದುರ್ವಾಸನೆಯನ್ನು ಕಡಿಮೆಗೊಳಿಸುವುದಾಗಿತ್ತು.
ಹಿಂದಿನ ಕಾಲದಲ್ಲಿ ಜನರು ತಮ್ಮ ಮನೆ ಮುಂದೆ ಬಗೆಬಗೆಯ ಸುಗಂಧ ಸೂಸುವ ಗಿಡಮೂಲಿಕೆಗಳ ಸಸಿಗಳನ್ನು ನೆಡುತ್ತಿದ್ದರು. ಆದರೆ ಕಾಲ ಬದಲಾಗುತ್ತ ಹೋದಂತೆ, ಅಂತಹ ಬಳ್ಳಿ, ಸಸಿಗಳನ್ನು ನೆಡಲು ಜಾಗದ ಕೊರತೆ ಉಂಟಾಗತೊಡಗಿತು. ಹೀಗಾಗಿ ಜನರು ಸುವಾಸನೆ ಬೀರುವ ಕೃತಕ ವಿಧಾನಗಳನ್ನು ಅನುಸರಿಸತೊಡಗಿದರು.
ಹಲವು ಬಗೆಯ ಹೋಮ್ ಫ್ರೆಶನರ್‌ಗಳು
ಮನೆಯಲ್ಲಿ ಬರುವ ದುರ್ವಾಸನೆಗಳನ್ನು ಹೋಗಲಾಡಿಸಲು ಮಾರುಕಟ್ಟೆಯಲ್ಲಿ ಅನೇಕ ಬಗೆಯ ರೂಮ್ ಫ್ರೆಶನರ್‌ಗಳು ಲಭ್ಯವಿವೆ. ನೀವು ನಿಮ್ಮ ಆಸಕ್ತಿ ಹಾಗೂ ಸುಗಂಧ ದ್ರವ್ಯಕ್ಕನುಗುಣವಾಗಿ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.
ಗಂಧದ ಕಡ್ಡಿಗಳು : ಮನೆಯನ್ನು ಸುಗಂಧಿತಗೊಳಿಸಲು ಗಂಧದ ಕಡ್ಡಿಗಳನ್ನು ಮೊದಲಿನಿಂದಲೇ ಬಳಸಿಕೊಂಡು ಬರಲಾಗುತ್ತಿದೆ. ಆದರೆ ಈಗ ಗಂಧದ ಕಡ್ಡಿಗಳಲ್ಲಿ ಬಗೆಬಗೆಯ ಸುಗಂಧ ದೊರೆಯುತ್ತವೆ. ಅನ್ನುವ ಅತ್ಯುತ್ತಮ ಹೋಮ್ ಫ್ರ್ಯಾಗ್ರೆನ್ಸ್ ರೂಪದಲ್ಲಿ ಬಳಸಲಾಗುತ್ತಿದೆ. ನ್ಯಾಚುರಲ್ ಫ್ರ್ಯಾಗ್ರೆನ್ಸ್ ರೂಪದಲ್ಲಿ ಜ್ಯಾಸ್ಮಿನ್‌, ಚಂದನ, ಗುಲಾಬಿ, ದೇವದಾರು ಮುಂತಾದವುಗಳ ಸುವಾಸನೆ ಬೀರುವ ಅನೇಕ ಗಂಧದಕಡ್ಡಿಗಳಿವೆ.
ಮಾರುಕಟ್ಟೆಯಲ್ಲಿ 2 ಬಗೆಯ ಗಂಧದ ಕಡ್ಡಿಗಳು ಲಭ್ಯವಾಗುತ್ತವೆ. ಅವನ್ನು ನೀವು ನಿಮ್ಮ ಅಗತ್ಯ ಹಾಗೂ ಸೌಲಭ್ಯಕ್ಕನುಗುಣವಾಗಿ ಆಯ್ಕೆ ಮಾಡಿಕೊಳ್ಳಬಹುದು. ಮೊದಲನೆಯದು ನೇರವಾಗಿ ಉರಿಯುವಂಥದು. ಅದರಿಂದ ಸುಗಂದ ನೇರವಾಗಿ ಗಾಳಿಯಲ್ಲಿ ಪಸರಿಸುತ್ತದೆ. ಎರಡನೆಯದು, `ಇನ್‌ಡೈರೆಕ್ಟ್ ಬರ್ನ್‌’ ಅದರಲ್ಲಿ ಫ್ರ್ಯಾಗ್ರೆನ್ಸ್ ಮೆಟೇರಿಯಲ್‌ನ್ನು ಮೆಟಲ್‌ನ ಹಾಟ್‌ ಪ್ಲೇಟ್‌ ಮೇಲೆ ಇಡಲಾಗುತ್ತದೆ. ಅದರಿಂದ ಇಡೀ ಮನೆಯಲ್ಲಿ ಸುವಾಸನೆ ಪಸರಿಸುತ್ತದಲ್ಲದೆ, ಮನೆಯಲ್ಲಿನ ಸೊಳ್ಳೆ ನೊಣಗಳು ಕೂಡ ಹೊರಹೋಗುತ್ತವೆ.
ಫ್ರ್ಯಾಗ್ರೆನ್ಸ್ ಕ್ಯಾಂಡಲ್ಸ್ : ಕ್ಯಾಂಡಲ್‌ಗಳನ್ನು ಕೇವಲ ದೀಪಾವಳಿ ಹಬ್ಬದಲ್ಲಿ ಮನೆಯನ್ನು ಝಗಮಗಗೊಳಿಸಲು ಬಳಸುವುದರ ಜೊತೆಗೆ, ಮನೆಯನ್ನು ಸುಗಂಧಭರಿತಗೊಳಿಸಲು ಕೂಡ ಬಳಸಬಹುದಾಗಿದೆ. ಬಣ್ಣ ಬಣ್ಣದ, ಆಕರ್ಷಕ ಡಿಸೈನಿನ ವಿಭಿನ್ನ ಸುವಾಸನೆಯ ಕ್ಯಾಂಡಲ್‌ಗಳು ಮಾರುಕಟ್ಟೆಯಲ್ಲಿ ಲಭ್ಯವಿವೆ. ಅವನ್ನು ಬಳಸುವುದರ ಮೂಲಕ ನೀವು ಮನೆಯನ್ನು ಸುವಾಸನೆಭರಿತಗೊಳಿಸಬಹುದು. ಇದರಿಂದ ಈರುಳ್ಳಿ-ಬೆಳ್ಳುಳ್ಳಿ ಹಾಗೂ ಇತರ ಕಮಟು ವಾಸನೆ ಬರಲಾರದು.
ಕ್ಯಾಂಡಲ್‌ನಲ್ಲಿ ವಾರ್ಮರ್ಸ್‌ ಕೂಡ ಇರುತ್ತದೆ. ಅದು ಮೇಣದ ಬತ್ತಿಯನ್ನು ಬಿಸಿ ಮಾಡುತ್ತದೆ. ಇದರಿಂದ ಮನೆಯಲ್ಲಿನ ದುರ್ವಾಸನೆ ಹೊರಟುಹೋಗುತ್ತದೆ. ಸೆಂಟೆಡ್‌ ಕ್ಯಾಂಡಲ್‌ನ್ನು ಉರಿಸದೆಯೇ ಮನೆಯನ್ನು ಸುವಾಸನೆಗೊಳಿಸುವ ಅತ್ಯುತ್ತಮ ವಿಧಾನವೆಂದು ಇದರಿಂದ ಸಾಬೀತಾಗುತ್ತದೆ.
ಏರ್‌ಫ್ರೆಶ್‌ನರ್ಸ್‌ : ಮನೆಯನ್ನು ಸುವಾಸನೆಗೊಳಿಸಲು ಏರ್‌ಫ್ರೆಶನರ್ಸ್‌ ಸ್ಪ್ರೇ ಕೂಡ ಬಳಸಲಾಗುತ್ತದೆ. ಇದರಿಂದ ಮನೆಯಲ್ಲಿನ ದುರ್ಗಂಧ ಹೊರಟುಹೋಗುತ್ತದೆ. ಸುಂದರವಾದ ಕ್ಯಾನ್‌ಗಳಲ್ಲಿ ಲಭ್ಯವಿರುವ ಈ ಫ್ರೆಶನರ್‌ಗಳನ್ನು ನೀವು ಗೋಡೆಯ ಮೇಲೂ ನೇತು ಹಾಕಬಹುದು. ಅದರಲ್ಲಿರುವ ಬಟನ್‌ನ್ನು ಅದುಮಿ ಆನ್‌ಮಾಡಿ ಮನೆಯನ್ನು ಘಮಘಮಿಸುವಂತೆ ಮಾಡಬಹುದು.
ಫ್ರ್ಯಾಗ್ರೆನ್ಸ್ ಪಾಟಪೊರಿ : ಆಕರ್ಷಕ ಪ್ಯಾಕಿಂಗ್‌ನಲ್ಲಿ ಒಣ ಹೂ ಹಾಗೂ ಸುವಾಸನೆ ಸಲಕರಣೆಯನ್ನು ಕೂಡ ಮನೆ ಸುವಾಸನೆಗೊಳಿಸಲು ಉಪಯೋಗಿಸಬಹುದಾಗಿದೆ. ಈ ಪ್ಯಾಕೆಟ್‌ನಿಂದ ಹೊರಸೂಸುವ ಸುಗಂಧ ಮನೆಯ ವಾತಾವರಣವನ್ನು ಸುಗಂಧಿತ ಹಾಗೂ ರೊಮ್ಯಾಂಟಿಕ್ ಆಗಿಸುತ್ತದೆ.
ರೀಡ್‌ ಡಿರ್ಫ್ಯೂಸರ್‌ : ಅನೇಕ ಸುವಾಸನೆಗಳನ್ನು ಬಾಟಲ್ ಹಾಗೂ ಕಂಟೇನರ್‌ಗಳಲ್ಲಿ ಸೆಂಟೆಡ್‌ ಆಯಿಲ್ ಹಾಗೂ ರೀಡ್ಸ್ನ ರೂಪದಲ್ಲಿ ಮನೆಯನ್ನು ಸುವಾಸನೆಗೊಳಿಸಲು ಬಳಸಬಹುದಾಗಿದೆ. ಈ ರೀಡ್‌ ಡಿಫ್ಯೂಸರ್‌ಗಳನ್ನು ನೀವು ಅಡುಗೆಮನೆ, ಲಿವಿಂಗ್‌ರೂಮ್, ಬೆಡ್‌ ರೂಮ್ ಬಾಥ್‌ ರೂಮ್ ಹೀಗೆ ಎಲ್ಲಿ ಬೇಕಾದರೂ ಇಡಬಹುದಾಗಿದೆ. ಇದರಿಂದ ಮನೆಯ ಪ್ರತಿಯೊಂದು ಮೂಲೆಯೂ ಸುವಾಸನೆ ಬೀರುತ್ತದೆ.
ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಈ ರೆಡಿಮೇಡ್‌ ಹೋಮ್ ಫ್ರ್ಯಾಗ್ರೆನ್ಸ್ ಗಳ ಹೊರತಾಗಿ ನೀವೇ ಸ್ವತಃ ಕೆಲವು ಉಪಾಯಗಳನ್ನು ಅನುಸರಿಸುವುದರ ಮೂಲಕ ಮನೆಯನ್ನು ಘಮಘಮಿಸುವಂತೆ ಮಾಡಬಹುದು.
ಕೋಣೆಯ ಕಿಟಕಿಗಳನ್ನು ಮುಂಜಾನೆ ಮತ್ತು ಸಂಜೆ ಹೊತ್ತು ಸ್ವಲ್ಪ ಸಮಯ ತೆರೆದಿಡಿ. ಏಕೆಂದರೆ ಹೊರಗಿನ ತಾಜಾ ಗಾಳಿ ಒಳಗೆ ಪ್ರವೇಶಿಸಲಿ.
ಮನೆಯ ಎದುರು ನೈಸರ್ಗಿಕ ಸುವಾಸನೆ ಬೀರುವ ಹೂ ಗಿಡ ಬಳ್ಳಿಗಳನ್ನು ನೆಡಿ. ಅದರ ಜೊತೆಗೆ ಗಾಜಿನ ಬೌಲ್‌ನಲ್ಲಿ ನೀರು ತುಂಬಿಸಿ ಅದರಲ್ಲಿ ಹೂವಿನ ಪಕಳೆಗಳನ್ನು ಹಾಕಿ ಹಾಲ್‌ನ ಮಧ್ಯಭಾಗದಲ್ಲಿ ಇಡಿ. ಗಾಳಿಯ ಜೊತೆಗೆ ಹೂವಿನ ಸುವಾಸನೆ ಮನೆಯನ್ನು ಘಮಘಮಿಸುವಂತೆ ಮಾಡುತ್ತದೆ.
ಎಸೆನ್ಶಿಯಲ್ ಆಯಿಲ್‌‌ನ್ನು 1 ಕಪ್‌ ನೀರಿನಲ್ಲಿ ಮಿಶ್ರಣ ಮಾಡಿ ಯಾವುದಾದರೂ ಸ್ಪ್ರೇ ಬಾಟಲಿನಲ್ಲಿ ಭರ್ತಿ ಮಾಡಿ. ಅದನ್ನು ಏರ್‌ಫ್ರೆಶನರ್‌ನಂತೆ ಬಳಸಬಹುದು.
ವಾಶ್‌ ಬೇಸಿನ್‌ನಲ್ಲಿ ಬಣ್ಣಬಣ್ಣದ ನ್ಯಾಫ್ತಲಿನ್‌ ಬಾಲ್ಸ್ ಹಾಕಿ.
ಬಟ್ಟೆಯ ಕಪಾಟಿನಲ್ಲಿ ನ್ಯಾಫ್ತಲಿನ್‌ ಬಾಲ್ಸ್ ಫ್ರ್ಯಾಗ್ರೆನ್ಸ್ ಪಾಟ್‌ಮೆರಿ ಇಡಿ.
ಅಡುಗೆಮನೆಯಲ್ಲಿ ಎಗ್ಸಾಸ್ಟ್ ಫ್ಯಾನ್‌ ಹಾಗೂ ಚಿಮಣಿ ಅಳವಡಿಸಿ.
ಮನೆಯ ಕಾರ್ಪೆಟ್‌ ಹಾಗೂ ಪರದೆಗಳನ್ನು ಕಾಲಕಾಲಕ್ಕೆ ಸ್ವಚ್ಛಗೊಳಿಸುತ್ತಾ ಇರಿ.
ಸುವಾಸನೆಭರಿತ ಮನೆಯ ಲಾಭಗಳು
ಸುವಾಸನಾಭರಿತ ಮನೆ ಅಲ್ಲಿ ವಾಸಿಸುವವರನ್ನು ಒತ್ತಡ ಮುಕ್ತಗೊಳಿಸುವುದರ ಜೊತೆಗೆ ಅವರನ್ನು ರಿಲ್ಯಾಕ್ಸ್ ಕೂಡ ಮಾಡುತ್ತದೆ.
ಸುವಾಸನಾಭರಿತ ಮನೆಯು ಅಲ್ಲಿಗೆ ಆಗಮಿಸುವ ಅತಿಥಿಗಳ ಮೂಡ್‌ ಫ್ರೆಶ್‌ ಮಾಡುತ್ತದೆ ಹಾಗೂ ಅವರಲ್ಲಿ ಪಾಸಿಟಿವ್ ಎನರ್ಜಿ ತುಂಬುತ್ತದೆ.
ದುರ್ಗಂಧಯುಕ್ತ ವಾತಾವರಣ ಸಂಬಂಧದಲ್ಲಿ ನಿರಾಸಕ್ತಿ ಉಂಟು ಮಾಡುತ್ತದೆ. ಅದೇ ಸುಗಂಧ ಸೂಸುವ ಮನೆ ಸಂಬಂಧದಲ್ಲಿ ಮಾಧುರ್ಯ ತರುತ್ತದೆ. ಅವರು ನಿಸರ್ಗಕ್ಕೆ ನಿಕಟವಾಗಿರುವ ಅನುಭೂತಿ ಉಂಟುಮಾಡುತ್ತದೆ. ದಿನವಿಡಿಯ ಧಾವಂತದಿಂದ ಸುಸ್ತಾಗಿ ಸುವಾಸನಾಭರಿತ ಮನೆಯೊಳಗೆ ಪ್ರವೇಶಿಸಿದಾಗ ದಿನವಿಡಿಯ ದಣಿವು ನಿವಾರಣೆಯಾಗುತ್ತದೆ. ಅದು ರೊಮ್ಯಾಂಟಿಕ್ ವಾತಾವರಣ ಸೃಷ್ಟಿಸುತ್ತದೆ. ಇದರಿಂದ ಗಂಡಹೆಂಡತಿಯ ಸಂಬಂಧದಲ್ಲಿ ನಿಕಟತೆ ಉಂಟಾಗುತ್ತದೆ.
ಸಂಬಂಧದಲ್ಲಿ ತಾಜಾತನಕ ನೀಡಲು, ಅತಿಥಿಗಳನ್ನು ಸ್ವಾಗತಿಸಲು ನೀವು ಮನೆಯನ್ನು ಸುವಾಸನಾಭರಿತಗೊಳಿಸಲು ಸಿದ್ಧರಿದ್ದೀರಾ ಅಲ್ವಾ?
– ಎಂ. ಸುನಂದಾ
