ತಾಪಸಿಯ ಬ್ಯಾಡ್ಮಿಂಟನ್ ಟೀಂ
2018ರಲ್ಲಿ ತೆರೆ ಕಂಡ `ಮುಲ್ಕ್, ಮನ್ ಮರ್ಜಿಯಾ, ಸೂರ್ಮಾ’ ಮುಂತಾದ ಯಶಸ್ವೀ ಚಿತ್ರಗಳ ನಾಯಕಿ ತಾಪಸಿ ಪನ್ನು ಇದೀಗ ಕ್ರೀಡಾಪಟು, ಕ್ರೀಡೆ ಪ್ರಮೋಟ್ ಮಾಡುವುದರಲ್ಲಿ ಮುಂದಾಗಿದ್ದಾಳೆ. ಇತ್ತೀಚೆಗೆ ತಾಪಸಿ ಪ್ರೀಮಿಯರ್ ಬ್ಯಾಂಡ್ ಮಿಂಟನ್ ಲೀಗ್ ಗಾಗಿ ಒಂದು ತಂಡ ಖರೀದಿಸಿದಳು. ಈ ತಂಡದಲ್ಲಿ ಒಲಿಂಪಿಕ್ ಗೋಲ್ಡ್ ಮೆಡಲಿಸ್ಟ್ ಬ್ಯಾಂಡ್ಮಿಂಟನ್ ಪಟು ಕೆರೋಲೀನಾ ಮೆರೀನ್ ಸಹ ಇದ್ದಾಳೆ. ತಾಪಸಿ ಆಕೆಯ ದೊಡ್ಡ ಅಭಿಮಾನಿಯಂತೆ!
ಹಿಂಬಾಲಕರ ಸ್ಪರ್ಧೆ
ಇತ್ತೀಚೆಗೆ ಫೇಸ್ಬುಕ್ನಲ್ಲಿ ಬಾಲಿವುಡ್ ಸ್ಟಾರ್ಸ್ ಬಲು ಚುರುಕು. ಇಷ್ಟು ಮಾತ್ರವಲ್ಲ, ಈ ಸ್ಟಾರ್ಸ್ ತಮ್ಮ ಫ್ಯಾನ್ ಫಾಲೋಯಿಂಗ್ನ್ನು ಫಾಲೋಯರ್ಸ್ ಆಗಿ ಬದಲಿಸಲು ಎಷ್ಟು ಆತುರರಾಗಿರುತ್ತಾರೆ ಎಂದರೆ, ಅದಕ್ಕಾಗಿ ಹೊಸ ಹೊಸ ಮಾರ್ಗ ಹುಡುಕುತ್ತಲೇ ಇರುತ್ತಾರೆ. ಇದರಲ್ಲಿ ಅತ್ಯಂತ ಸುಲಭ ವಿಧಾನ ಎಂದರೆ ತಮ್ಮ ಹಾಟ್ ಹಾಟ್ ಫೋಟೋಸ್ ಅಪ್ಲೋಡ್ ಮಾಡುವುದು. ಹೀಗೇ ಏನೇನೋ ಮಾಡಿ ನಟಿ ಪೂಜಾ ಹೆಗಡೆ ಇನ್ಸ್ಟಾಗ್ರಾಂನಲ್ಲಿ 4 ಮಿಲಿಯನ್ ಫಾಲೋಯರ್ಸ್ ಸೃಷ್ಟಿಸಿಕೊಂಡಿದ್ದಾಳೆ! ಕಂಗ್ರಾಟ್ಸ್ ಪೂಜಾ! ಆದರೆ ತೆರೆಯ ಮೇಲೂ ಮೋಡಿ ಮಾಡದಿದ್ದರೆ ಈ ಅಭಿಮಾನಿಗಳೆಲ್ಲ ಶೂನ್ಯದಲ್ಲಿ ವಿಲೀನರಾಗುತ್ತಾರೆ, ಅಷ್ಟೆ.
ಸಾನ್ಯಾ ನೀ ಧನ್ಯೆ!
ಸಾನ್ಯಾ ಮಲ್ಹೋತ್ರಾ ತನ್ನ ಮುಂಬರಲಿರುವ `ಬಧಾಯಿ ಹೋ’ ಚಿತ್ರದಿಂದಾಗಿ ಸುದ್ದಿಯಲ್ಲಿದ್ದಾಳೆ. `ಧಬಂಗ್’ ಚಿತ್ರದಲ್ಲಿ ಕುಸ್ತಿಗಾಗಿ ಖ್ಯಾತಳಾದ ಸಾನ್ಯಾ, `ಬಧಾಯಿ’ ಚಿತ್ರದಲ್ಲಿ ಆಯುಷ್ಮಾನ್ ಜೊತೆ ನವರಾತ್ರಿ ದಾಂಡಿಯಾ ಕೋಲಾಟ ಆಡುವುದರಲ್ಲಿ ಮಗ್ನೆ. ಈ ಚಿತ್ರದ `ಮೋರ್ನಿ…..’ ಹಾಡು ಈಗಾಗಲೇ ವೈರಲ್ ಆಗಿದ್ದು ಪಡ್ಡೆಗಳ ಮನಗೆದ್ದಿದೆ. ಹೀಗಾಗಿ ಅವರೆಲ್ಲರೂ ಸಾನ್ಯಾಳನ್ನು ಧನ್ಯಳನ್ನಾಗಿಸಿದ್ದಾರೆ.
ಈ ಜೋಡಿಯ ಕಲ್ಪನೆ ಇತ್ತೇ?
ಶಕ್ತಿ ಕಪೂರ್ ಪೂನಂ ಪಾಂಡೆ ಜೋಡಿ ಬೆಳ್ಳಿ ಪರದೆ ಅಲಂಕರಿಸಲಿದೆ! ಇದನ್ನು ಕೇಳಿ ದಂಗಾಗಬೇಡಿ. ಆದರೆ ಇದು ಸತ್ಯ, ಅಪ್ಪಟ ಸತ್ಯ. ಇವರಿಬ್ಬರೂ ಕೂಡಿ ಒಂದು ಭರ್ಜರಿ `ದಿ ಜರ್ನಿ ಆಫ್ ಕರ್ಮಾ’ ಎಂಬ ಮಸಾಲಾ ಚಿತ್ರದಲ್ಲಿ ಕಾಣಿಸಲಿದ್ದಾರೆ. ರೊಮ್ಯಾಂಟಿಕ್ ಶಕ್ತಿ ಹಾಗೂ ಹಾಟ್ ಪೂನಂ ಏನು ಮಾಡುತ್ತಿದ್ದಾರೋ ನೀವೇ ನೋಡಿ!
ಅನುಷ್ಕಾ ಇಲ್ಲಿ ನಂಬರ್ ಒನ್
ಅನುಷ್ಕಾ ಹಾಗೂ ವರುಣ್ರ `ಸೂಯಿ ಧಾಗಾ’ (ಸೂಜಿ ದಾರ) ಬಾಕ್ಸ್ ಆಫೀಸಿನಲ್ಲಿ ಅಂಥ ಹೇಳಿಕೊಳ್ಳುವ ಸಾಧನೆ ಏನೂ ಮಾಡಲಿಲ್ಲ. ಆದರೆ ಈ ಮೂಲಕ ಅನುಷ್ಕಾ ಡಿಜಿಟಲ್ ಜಗತ್ತಿನಲ್ಲಿ ನಂ.1 ಎನಿಸಿದಳು. ಈ ಚಿತ್ರದಿಂದಾಗಿ ಅನುಷ್ಕಾಳಿಗೆ ಸಾಕಷ್ಟು ಫ್ಯಾನ್ಸ್ ಹುಟ್ಟಿಕೊಂಡು ಸೋಶಿಯಲ್ ಮೀಡಿಯಾ ತುಂಬಾ ಹರಡಿದ್ದಾರೆ. ಇದಕ್ಕೆ ಮೊದಲು ಶ್ರದ್ಧಾ ಕಪೂರ್ ಈ ಪಟ್ಟದಲ್ಲಿದ್ದಳು.
ಪ್ರಮೋಶನ್ಗಾಗಿ ಈ ಸರ್ಕಸ್
ಕೇವಲ ಸಿನಿಮಾ ತಯಾರಿಸಿದರಷ್ಟೇ ಈ ಕಾಲದಲ್ಲಿ ಏನೇನೂ ನಡೆಯದು. ಅದಕ್ಕೆ ತಕ್ಕಂತೆ ಭರ್ಜರಿ ಪ್ರಮೋಶನ್ಸ್ ಕೂಡ ಮಾಡಬೇಕಾಗುತ್ತದೆ, ಅದೂ ಹೊಸ ಹೊಸ ವಿಧಾನದಲ್ಲಿ! ಇತ್ತೀಚೆಗೆ ರಿಯಾ ಚಕ್ರವರ್ತಿ ಹಾಗೂ ವರುಣ್ ಮಿತ್ರಾ ತಮ್ಮ ಹೊಸ `ಜಿಲೇಬಿ’ ಚಿತ್ರಕ್ಕಾಗಿ ಮುಂಬೈನ ಗಲ್ಲಿಗಲ್ಲಿಗಳಲ್ಲಿ ಸ್ಕೂಟರ್ ಏರಿ ಹೀಗೆ ಜಿಲೇಬಿ ಹಂಚಿದರಂತೆ. ನಿಮಗೂ ಸಿಕ್ಕಿತೇನು?
ವರುಣ್ ಹೇಳಲ್ಲ `ಚಳಿ ಚಳಿ….’
`ಕಳಂಕ್’ ಚಿತ್ರ ಬಿಡುಗಡೆಗೆ ಮುನ್ನವೇ ಸಾಕಷ್ಟು ಪ್ರಚಾರ ಗಿಟ್ಟಿಸಿದೆ. ಕೆಲವು ದಿನಗಳ ಹಿಂದೆ ಈ ಚಿತ್ರಕ್ಕಾಗಿ ಕಾರ್ಗಿಲ್ನಲ್ಲಿ ಶೂಟಿಂಗ್ ನಡೆಯಿತು. ಇದರಲ್ಲಿ ವರುಣ್ ಧವನ್ ಚಡ್ಡಿ ಧರಿಸಿ ಕೊರೆಯುವ ಚಳಿಯಲ್ಲಿ ಸ್ವಿಮ್ಮಿಂಗ್ ಪೂಲ್ಗೆ ದುಮುಕಬೇಕಾಯ್ತು. ಹೀರೋ ಅಂದ್ಮೇಲೆ ಇದೆಲ್ಲ ಕಾಮನ್ ಅಲ್ವಾ ಅಂತೀರಾ? ಆದರೆ ಈ ಶೂಟಿಂಗ್ ನಡೆಯುವಾಗ ಅಲ್ಲಿನ ತಾಪಮಾನ 5 ಡಿಗ್ರಿ ಇತ್ತಂತೆ! ಹೀರೋ ಜಿಗಿದ ಮೇಲೆ ಕೇಳಬೇಕೇ? ಅನನ್ನು ಹುರಿದುಂಬಿಸಲು ಎಲ್ಲರೂ ಚಡ್ಡಿಧಾರಿಗಳಾಗಿ ಜಿಗಿದರಂತೆ!
ಮಾನುಷಿ ಇನ್ ಶ್ರೀಲಂಕಾ
ಇದೀಗ ಕೇವಲ ` ಮಿಸ್ವರ್ಲ್ಡ್ ‘ ಆದ ಮಾತ್ರಕ್ಕೆ ಬಾಲಿವುಡ್ ಕರೆದು ಮಣೆ ಹಾಕಲಿದೆ ಎಂದು ತಿಳಿಯಬೇಡಿ, ಅದೆಲ್ಲ ಐಶ್ ಬೇಬಿ ಕಾಲಕ್ಕೆ ಮುಗಿಯಿತು. ಜೊತೆಗೆ ಈಕೆ ಈಗ ಬಹಳಷ್ಟು ಸೋಶಿಯಲ್ ಕೆಲಸ ಮಾಡಬೇಕಾಗುತ್ತದೆ. ಹ್ಞಾಂ, ಇನ್ನೊಂದು ವಿಚಾರ ಅಂದ್ರೆ, ಜೊತೆ ಜೊತೆಗೆ ತನ್ನ ಬ್ರಾಂಡಿಂಗ್ ಕೂಡ ಮಾಡಿಕೊಳ್ಳುತ್ತಿರಬೇಕು. ಮಿಸ್ ವರ್ಲ್ಡ್ ಮಾನುಷಿ ಛಿಲ್ಲರ್ ಇತ್ತೀಚೆಗೆ ಶ್ರೀಲಂಕಾ ಯಾತ್ರೆಯಲ್ಲಿದ್ದಾಳೆ. ಪ್ರತಿದಿನಾ ಫೇಸ್ಬುಕ್ಗೆ ತನ್ನ ಹೊಸ ಹೊಸ ಹಾಟ್ ಫೋಟೋಗಳನ್ನು ಅಪ್ಲೋಡ್ಮಾಡುವುದೇ ಅವಳ ಮುಖ್ಯ ಕೆಲಸ. ತನ್ನ ಅಭಿಮಾನಿಗಳಿಗೆ ತಾನು ಇದ್ದೇನೆ ಎಂದು ಸಾರುತ್ತಿರುತ್ತಾಳೆ.
ಇಮ್ರಾನ್ ಮೋಡಿ
`ಕಿಸ್ಸಿಂಗ್ ಕಿಂಗ್’ ಇಮ್ರಾನ್ನ ಮರೆತೋರುಂಟೇ? ಈಗಿನ `ಮೀ ಟೂ’ ಹಾವಳಿ ಬಾಲಿವುಡ್ ಮಾತ್ರವಲ್ಲದೆ ಇಡೀ ಮೀಡಿಯಾ ಜಗತ್ತನ್ನೇ ನಡುಗಿಸಿದೆ. ಇದಕ್ಕೆ ಘಟಾನುಘಟಿಗಳಾದ ನಾನಾ ಪಾಟೇಕರ್, ಅಲೋಕ್ನಾಥ್ ಸಹ ಲೈಂಗಿಕ ಶೋಷಣೆಗೆ ಹೊರತಲ್ಲ. ಹೀಗಾಗಿ ನಮ್ಮ ಈ ಕಿಂಗ್ ತನ್ನ ಕಂಪನಿಯಲ್ಲಿ `ಸೆಕ್ಷುಯಲ್ ಹರಾಸ್ಮೆಂಟ್ ಆಫ್ ವುಮನ್ ಅಟ್ ವರ್ಕ್ ಪ್ಲೇಸ್’ ಆ್ಯಕ್ಟ್ ನ್ನು ತನ್ನ ವರ್ಕರ್ಸ್ ಕಾಂಟ್ರಾಕ್ಟ್ ನಲ್ಲಿ ಶಾಮೀಲುಗೊಳಿಸಿ, ಮಹಿಳಾ ಸಿಬ್ಬಂದಿಗೆ ನಿಶ್ಚಿಂತೆ ತಂದಿದ್ದಾನೆ. ಈಗ ಈತ ಧೈರ್ಯವಾಗಿ `ಕಿಸ್ಸಿಂಗ್’ ಸೀನ್ ಮುಂದುವರಿಸಬಹುದು!
ಅಥ್ಲೀಟ್ಸ್ ಮಧ್ಯೆ ಶಾರೂಖ್
ತನ್ನ ಹಿಂದಿನ ಚಿತ್ರಗಳ ಫ್ಲಾಪ್ ಸೀರೀಸ್ಗಮನಿಸಿ, ಆವ್ರೇಜ್ ಗಿಳಿದಿರು ಈ ಮಾಜಿ ಕಿಂಗ್ಖಾನ್, ತನ್ನ ಹೊಸ `ಝೀರೋ’ ಚಿತ್ರಕ್ಕಾಗಿ ಪಡಬಾರದ ಪಾಡು ಪಡುತ್ತಿದ್ದಾನೆ. ಈ ಮಧ್ಯೆ ಈತನಿಗೆ ಏಷ್ಯಾದ ಪ್ಯಾರಾಲಿಂಪಿಕ್ಸ್ 2018 ಕ್ರೀಡೆಗಳ `ಸೆಂಡ್ ಆಫ್’ಗಾಗಿ ಆಹ್ವಾನ ಬಂದಾಗ, ಈತ ಕುಣಿಯುತ್ತಾ ಬಂದನಂತೆ! ಈತ ಅಲ್ಲಿ ಪ್ಯಾರಾಲಿಂಪಿಕ್ ಅಥ್ಲೀಟ್ಸ್ ಗಳ ಬೆನ್ನು ತಟ್ಟಿ ಪ್ರೋತ್ಸಾಹಿಸಿ ಅವರನ್ನು ಹುರಿದುಂಬಿಸಿದ.