ನ್ಯಾಯಾಧೀಶ : ನೀನು ಒಂದೇ ಅಂಗಡಿಯಲ್ಲಿ ನಾಲ್ಕು ಸಲ ಏಕೆ ಕಳ್ಳತನ ಮಾಡಿದೆ?
ಕಳ್ಳ : ಒಂದೇ ಸಲ ಕದ್ದಿದ್ದು ಮಹಾಸ್ವಾಮಿ! ಮೂರು ಸಲ ಅವುಗಳನ್ನು ಬದಲಾಯಿಸೋಕೆ ಹೋಗಿದ್ದೆ. ನನ್ನ ಹೆಂಡ್ತಿ ಯಾವ ಸೀರೆಯನ್ನೂ ಬೇಗ ಇಷ್ಟಪಡೋಲ್ಲ!
ಅವಳು ತುಂಬಾ ವಾಚಾಳಿ. ಇಂಟರ್‌ವ್ಯೂಗಾಗಿ ಬಂದಾಗ ನೇಮಕಾತಿ ಆಯೋಗದ ಮುಖ್ಯಸ್ಥರೊಂದಿಗೆ ಮಾತನಾಡುತ್ತಿದ್ದಳು. ``ನನ್ನ ಕೆಲಸ ನೋಡಬೇಕು ನೀವು. ನಾನು ಮಾಡೋ ತರಹ ಕೈ ಕೆಲಸ ಯಾರೂ ಮಾಡೋಲ್ಲ. ನಾನು ಯಾವುದೇ ಕೆಲಸ ಮಾಡಲಿ, ಅದರಲ್ಲಿ ಮುಳುಗಿಬಿಟ್ಟಿರುತ್ತೇನೆ.''
ನೇಮಕಾತಿ ಮಾಡುವವನು ಅವಳನ್ನು ಮಧ್ಯದಲ್ಲೇ ತಡೆದು ಹೇಳಿದ, ``ನೀವು ಎಂದಾದರೂ, ಯಾವುದಾದರೂ ಬಾವಿಯನ್ನು ಅಗೆದಿದ್ದೀರಾ?''
ವೀರ ರಸವನ್ನು ಉಕ್ಕೇರಿಸುತ್ತಾ ಕವಿಯಿತ್ರಿ (ಸಂಪಾದಕರೊಂದಿಗೆ) ಹೇಳುತ್ತಿದ್ದಳು, ``ನೀವು ಏನು ಹೇಳ್ತೀರೀ, ನಾನು ನನ್ನ ಈ ಕವಿತೆಗಳಲ್ಲಿ ಇನ್ನಷ್ಟು ಸ್ವಲ್ಪ ಬೆಂಕಿ ಹಾಕಲೇನು?''
ಸಂಪಾದಕ ಸಿಡಿಮಿಡಿ ಗುಟ್ಟುತ್ತಾ ಹೇಳಿದ, ``ಇಲ್ಲ, ನೀವು ಈ ಕವಿತೆಗಳಿಗೇ ಬೆಂಕಿ ಇಟ್ಟರೆ ವಾಸಿ!''
ಮೊದಲ ಮಿತ್ರ (ತನ್ನ ಇನ್ನೊಬ್ಬ ಮಿತ್ರನ ಪರಿಸ್ಥಿತಿಯನ್ನು ನೋಡಿ) ``ಅರೇ, ಇದೇನಿದು ನಿಮ್ಮ ಬಟ್ಟೆಯೆಲ್ಲ ಚಿಂದಿ, ಬಾಯಿಂದ ರಕ್ತ ಬರ್ತಿದೆ. ನಡೀರಿ ನಿಮ್ಮನ್ನು ಮನೇಗೆ ತಲುಪಿಸಿ, ಬರ್ತೀನಿ.''
ಎರಡನೇ ಮಿತ್ರ (ನೋವಿನಿಂದ ಚೀರುತ್ತಾ), ``ಅಯ್ಯೋ, ಬೇಡ ಬೇಡ! ನಾನು ನಮ್ಮ ಮನೇಗೆ ಹೋಗೋಲ್ಲ, ಅಲ್ಲಿಂದಲೇ ನಾನು ಬರ್ತಿರೋದು.
''ಒಬ್ಬ ಮಹಿಳೆ ತನ್ನ ಗಂಡನೊಂದಿಗೆ ಪ್ರವಾಸ ಹೊರಟು ಒಂದು ಹೋಟೆಲ್‌ನಲ್ಲಿ ಇಳಿದುಕೊಂಡಿದ್ದಳು. ಪ್ರಯಾಣದ ಆಯಾಸವನ್ನು ಪರಿಹರಿಸಿಕೊಳ್ಳಲು ಅವಳು ಬಾತ್‌ರೂಂ ಹೊಕ್ಕ ಕೂಡಲೇ ಗೋಡೆಯ ಮೇಲೆ ಬರೆದಿದ್ದನ್ನು ನೋಡಿದಳು. `ಬಲಗಡೆ ನೋಡಿ!' ಅವಳು ಬಲಗಡೆ ನೋಡಿದಳು. ಅಲ್ಲಿ ಗೋಡೆಯ ಮೇಲೆ ಬರೆದಿತ್ತು. `ಹಿಂದೆ ನೋಡಿ!' ಅವಳು ಚಕಿತಳಾಗಿ ಹಿಂದೆ ನೋಡಿದಳು. ಗೋಡೆಯ ಮೇಲೆ `ಎಡಗಡೆ ನೋಡಿ!' ಎಂದು ಬರೆದಿತ್ತು. ಅವಳು ಉದ್ವಿಗ್ನಳಾದಳು. ಕೂಡಲೇ ಅವಳು ಎಡಗಡೆ ತಿರುಗಿ ನೋಡಿದಳು. ಅಲ್ಲಿ ಗೋಡೆಯ ಮೇಲೆ ಹೀಗೆಂದು ಬರೆಯಲಾಗಿತ್ತು. `ಹುಚ್ಚರ ತರಹ ಆ ಕಡೆ ಈ ಕಡೆ ಯಾಕೆ ನೋಡ್ತೀರ್ರಿ? ಸುಮ್ಮನೆ ಸ್ನಾನ ಮಾಡಿ...'
ಮನೆಗೆ ಬಂದಿರುವ ಅತಿಥಿಗಳೊಂದಿಗೆ ಆ ಮನೆಯ ಒಡತಿ ಕುಳಿತು ಮಾತನಾಡುತ್ತಿದ್ದಳು. ಆಗ ಇದಕ್ಕಿದ್ದಂತೆ ವಿದ್ಯುತ್‌ ಹೊರಟುಹೋಯಿತು. ಅದರಿಂದ ಅವಳು ಮೇಣದ ಬತ್ತಿಯನ್ನು ಹೊತ್ತಿಸಿದಳು. ಸ್ವಲ್ಪ ಸಮಯದ ನಂತರ ಅತಿಥಿಗಳು ಆ ಒಡತಿಗೆ ಹೇಳಿದರು, ``ತುಂಬಾ ಶೆಕೆ ಆಗ್ತಿದೆ, ದಯವಿಟ್ಟು ಫ್ಯಾನ್‌ ಹಾಕಿ.....''
ಆಗ ಆ ಒಡತಿ ಗಂಭೀರ ಸ್ವರದಲ್ಲಿ ಹೇಳಿದಳು, ``ನಾನೇನೋ ಫ್ಯಾನ್‌ ಹಾಕ್ತೀನಿ. ಆದರೆ ಈ ಮೇಣದ ಬತ್ತಿ ಆರಿ ಹೋಗುತ್ತೆ.''
ಒಬ್ಬ ಕುರೂಪಿ ಮಹಿಳೆ ಬಹು ಹೊತ್ತಿನಿಂದ ಕನ್ನಡಿ ಎದುರು ನಿಂತು ಸಿಂಗರಿಸಿಕೊಳ್ಳುತ್ತಿದ್ದಳು. ಇದರಿಂದ ಬೇಸರಗೊಂಡ ಅವಳ ಗಂಡ ಹೇಳಿದ, ``ಅರೆ! ಎಷ್ಟು ಹೊತ್ತಾಯ್ತು? ಇನ್ನೂ ನಿನ್ನ ಶೃಂಗಾರ ಮುಗೀಲಿಲ್ವಾ?
''ಮಹಿಳೆ, ``ನೀವ್ಯಾಕೆ ಸಿಡಿಸಿಡೀಂತ ಇದ್ದೀರ? ಸುಂದರವಾಗಿ ಕಾಣಿಸಬೇಕು ಹಾಗೂ ಸುಂದರಿ ಎಂದು ಕರೆಸಿಕೊಳ್ಳಬೇಕು ಅನ್ನುವ ಇಚ್ಛೆ ನನಗೆ ಇಲ್ಲಾಂತ ಅಂದುಕೊಂಡಿದ್ದೀರೇನು?''
